Movie
MERAJ-E-GHAZAL (NON FILM)
Singers
ASHA BHOSLE

ruudaad-e-mohabbat kya kahiye kuchh yaad rahi kuchh bhuul gaye
do din ki masarrat kya kahiye kuchh yaad rahi kuchh bhuul gaye

jab jaam diya tha saaqi ne jab daur chala tha mahafil mein
wo hosh ke saathi kya kahiye kuchh yaad rahi kuchh bhuul gaye

ehasaas ke mayakhaane mein kahaan ab fiqr-o-nazar ki kandilein
aalaam ki shiddat kya kahiye kuchh yaad rahi kuchh bhuul gaye

ab apani haqiqat bhi ' saagar' bewaqt kahaani lagati hai
duniya ki haqiqat kya kahiye kuchh yaad rahi kuchh bhuul gaye

Theme by Danetsoft and Danang Probo Sayekti inspired by Maksimer