Movie
MAINOSH (NON FILM)
Singers
ANUP JALOTA

(mahafil-e-husn sajaao to koyi baat bane
daulat-e-ishq lutaao to koyi baat bane
jaam-o-saagar se gavaara nahin pina mujhako
apani aankhon se pilaao to koyi baat bane)

aankhon se pi rut mastaani ho gayi
jaam se pina rasm puraani ho gayi

kuchh unake bhi alhadapan ki hai kata
thodi hamase bhi naadaani ho gayi

vaqt-e-sahar ye kaun chaman mein aa gaya
sharm se shabanam paani-paani ho gayi

dil ka aangan kushabuu se mahaka diya
yaad kisiki raat-ki-raani ho gayi

vaayiz ne saaqi se kar li dosti
ye to badi dilachasp kahaani ho gayi

Theme by Danetsoft and Danang Probo Sayekti inspired by Maksimer