Movie
MAGROOR
Singers
SHAMSHAD

tumhein baagon mein saavan mein nazaare yaad karate hain
chale aao tumhein aansuu hamaare yaad karate hain

bahaarein puuchhati hain meri aankhon se pata tera
chaman mein phuul tujhako pyaare-pyaare yaad karate hain

papihe pi-pi kah ke git aksar bhuul jaate hain
tumhein ro-ro ke jab ham gam ke maare yaad karate hain

vahi nazarein jinhein tumane kabhi ulfat sikhaayi thi
unhin maasuum nazaron ke ishaare yaad karate hain

Theme by Danetsoft and Danang Probo Sayekti inspired by Maksimer