Verses

وہ جو روٹھیں یوں منانا چاہیے
زندگی سے رُوٹھ جانا چاہیے

ہمتِ قاتل بڑھانا چاہیے
زیر ِخنجر مُسکرانا چاہیے

زندگی ہے نام جہد و جنگ کا
موت کیا ہے، بُھول جانا چاہیے

ہے انہیں دھوکوں سے دل کی زندگی
جو حسیں دھوکا ہو ، کھانا چاہیے

لذتیں ہیں دشمنِ اوجِ کمال
کلفتوں سے جی لگانا چاہیے

ان سے ملنے کو تو کیا کہیے جگر!
خود سے ملنے کو زمانہ چاہیے

Theme by Danetsoft and Danang Probo Sayekti inspired by Maksimer