Jab bhi jazbon ke liye alfaz nashtar ho gaye

Verses

Jab bhi jazbon ke liya alfaz nashtar ho gaye
kaise kaise phool jaise haath pathhar ho gaye

deo-qamat wo shajar jab tez andhi mein gira
pasta-qad jitne thay poday, sab qad-aawar ho gahe

rafta rafta humko jeene ka hunar aa hi gaya
pathhoron mein rehte rehte hum bhi pathhar ho gaye

neem faaqa neem uryani ko andar chhor kar
ghar se bahar jab qadam rakhaa, sikandar ho gaye

aalam-e-takh'eel mein Muslim hua kiska guzar
meri yadon kay kaee lamhay muattar ho gaye

Theme by Danetsoft and Danang Probo Sayekti inspired by Maksimer