Free Urdu Poetry Encyclopedia of Urdu Poetry

اسے اپنے کل ہی کی فکر تھی وہ جو میرا واقفِ حال تھا
وہ جو اسکی صبحِ عروج تھی وہ میرا وقتِ زوال تھا

مرا درد کیسے وہ جانتا مری بات کیسے وہ مانتا
وہ تو خود فنا ہی کے ساتھ تھا اسے روکنا بھی محال تھا

جاتے ہوئے اک بار تو جی بھر کے رُلائیں
ممکن ہے کہ ہم آپ کو پھر یاد نہ آئیں

ہم چھیڑ تو دیں گے ترا محبوب فسانہ
کھنچ آئیں گی فردوس کی مدہوش فضائیں

پھر تشنہ لبی زخم کی دیکھی نہیں جاتی

بگڑ کے مجھ سے وہ میرے لئے اُداس بھی ہے
وہ زودِ رنج تو ہے، وہ وفا شناس بھی ہے
تقاضے جِسم کے اپنے ہیں، دل کا مزاج اپنا
وہ مجھ سے دور بھی ہے، اور میرے آس پاس بھی ہے

اک محبت کے عوض ارض و سما دے دوں گا
تجھ سے کافر کو تو میں اپنا خدا دے دوں گا

جستجو بھی مرا فن ہے ، مرے بچھڑے ہوئے دوست!
جو بھی در بند ملا ، اس پہ صدا دے دوں گا

اپنے ماحول سے بھی قیس کے رشتے کیا کیا
دشت میں آج بھی اُٹھتے ہیں بگولے کیا کیا

عشق معیار وفا کو نہیں کرتا نیلام
ورنہ ادراک نے دکھلائے تھے رستے کیا کیا

جیسے ہم آدم و حوا کی سزا بھول گئے

اشک تھا، چشمِ تر کے کام آیا
مَیں بشر تھا، بشر کے کام آیا

میری قسمت میں شب تھی، لیکن مَیں
شمع بن کر سحر کے کام آیا

روح میری، شجر کی چھاؤں بنی
جسم، گردِ سفر کے کام آیا

خاک پر خلدِ بریں کی باتیں
چاند پر جیسے زمیں کی باتیں

دل سے اِک شمع جبیں کی باتیں
اُسی محفل میں وہیں کی باتیں

لبِ دشمن کو بھی شیریں کردیں
اس کے حُسنِ نمکیں کی باتیں

وہم سے بو قلموں کون و مکاں
ورنہ یک رنگ، یقیں کی باتیں

دل کا پتھّر نہ کسی سے پگھلا
لوگ کرتے رہے دیں کی باتیں

میرے ناقد! میرا موضوعِ سخن
یہی دنیا ہے، یہیں کی باتیں