Raees Warsi's poetry

Tarz-e-Fikro Nazar Nahai'n Aaya
Dousti Ka Hunar Nahai'n Aaya

Lou't Kar Aagaye Parenday Sub
Ek Musafir Magar Nahai'n Aaya

Hum Nay Har Zaveye Say Dekha Hay
Ko'ee Tum Sa Nazar Nahai'n Aaya

Lou'g Kehtey Hai'n Choudhvee'n Shab Hay
Chaand Keou'n Bam Par Nahai'n Aaya

Chash-e-Nagis Hay Aaj Tak Haira'n
Keya Kou'ee dedahawr Nahia'n Aaya

Rou'z Aati Hay Us ki Yaad Raees
Jo Kabhi Lou't Kar Nahai'n Aaya

Ek Lamha-eWisaal Tha Wapas Na Aa Saka
Woh Waqt Ki Misaal Tha Wapas Na Aa Saka

Har Ek Ko Apna Haal Sunan-e-Say Faida
Mera Jo Hum Kheyal Tha Wapas Na Aa Saka

Mujh Ko Meray Wajood Say JO Kar Geya Jud'da
Kesa Wo Bakamal Tha Wapas Na Aa Saka

Ketn-e-Kheyal Roop Haqeeqat Ka pa Gaye
Jo Markaz-e-Kheyal Tha Wapas Na Aa Saka

Har Dam Raees Wo Tou Nazar Kay Hay Saa'mnay
Tera Tou Yeh Kheyal Tha Wapas Na Aa Saka