Verses

دورسا کون ہے ? جہاں تو ہے
کون جانے تجھے ، کہاں تو ہے

لاکھ پردوں میں تو ہے بے پردہ
سو نشانوں پہ بے نشاں تو ہے

تو ہے خلوت میں تو ہے جلوت میں
کہیں پنہاں کہیں عیاں تو ہے

نہیں تیرے سوا یہاں کوئی
میزباں تو ہے میہماں تو ہے

رنگ تیرا چمن میں بو تیری
خوب دیکھا تو باغباں تو ہے

محرم راز تو بہت ہیں امیر
جس کو کہتے ہیں راز داں تو ہے

Author

Theme by Danetsoft and Danang Probo Sayekti inspired by Maksimer