Free Urdu Poetry : Ghazal Bahana Karoon Aur Gunganoon Tujhay

وہی آہٹیں درو بام پر وہی رتجگوں کے عذاب ہیں
وہی ادھ بجھی میرے نیند ہے وہی ادھ جلے میرے خواب ہیں

میرے سامنے یہ جو خواہشوں کی دھند حدِّ نگاہ تک
پرے اس کے جانے حقیقتیں ، کہ حقیقتوں کے سراب ہیں

میری دسترس میں کبھی تو ہوں جو ہیں گھڑیاں کیف و نشاط کی
ہے یہ کیا، کہ آہئیں ادھر کبھی تو لگے کہ پا بہ رکاب ہیں

کبھی چاہا خود کو سمیٹنا تو بکھر کے اور بھی رہ گیا
ہیں کرچی کرچی پڑے ہوئے میرے سامنے میرے خواب ہیں

یہنہ پوچھ کیسے بسر کیے ، شب و روز کتنے پہر جیئے
کسے رات دن کی تمیز تھی کسےیاد اتنے حساب ہیں

انہیں خوف رسم و رواج کا ہمیں وضع اہنی عزیز ہے
وہ روایتوں کی پناۃ میں ، ہم ان کے زیرِ عتاب ہیں

ابھی زخمِ نو کا شمار کیا ابھِی رت ہے دل کے سنگھار کی
ابھی او رپھوٹیں گی کونپلیں ابھِ اور کھلنے گلاب ہیں

شاعر
-- طارق بٹ۔۔۔

NASEEB AZMANAY KE DIN AA RAHAY HEIN...
QAREEB UN KE ANAY KE DIN A RAHAY HEN..
JO DIL SE KAHA HA JO DIL SE SUNA HAI...
SAB UNKO SUNANAY K DIN AA RAHAY HEN
ABHI SE DILO JAN SARE RAH RAKH DO
K LUTNAY LUTANAY K DIN A RAHAY HEN...
TAPAKNAY LAGGI HAI NIGAHON SE MASTI...
NIGAHEN CHURANE K DIN AA RAHAY HEN
SABA PHER HUME POCHTI PHER RAHI HAI..
CHAMAN KO SAJANAY K DIN A RAHAY HEN..
CHALO FAIZ PHER SE KAHAIN DIL LAGAYEN..
SUNA HA THIKANAY K DIN A RHAY HEN..

میرا مالک جب توفیق ارزانی کرتا ہے
گہرے زرد زمیں کی رنگت دھانی کرتا ہے

بجھتے ہوئے دیئے کی لو اور بھیگی آنکھ کے بیچ
کوئی تو ہے جو خوابوں کی نگرانی کرتا ہے

مالک سے اور مٹی سے اور ماں سے باغی شخص
درد کے ہر میثاق سے روگردانی کرتا ہے

یادوں سے اور خوابوں سے اور امیدوں سے ربط
ہو جائے تو جینے میں آسانی کرتا ہے

کیا جانے کب کس ساعت میں طبع رواں ہو جائے
یہ دریا بھی بے موسم طغیانی کرتا ہے

دل پاگل ہے روز نئی نادانی کرتا ہے
آگ میں آگ ملاتا ہے پھر پانی کرتا ہے

مری مٹی سے مرے خوابوں کے رشتے محکم کرنے کے لئے
اک درد مسلسل جاگتا ہے دل و جاں کو بہم کرنے کے لئے

جہاں وحشت کرنا سیکھا تھا جہاں جاں سے گزرنا سیکھا تھا
مرے آہو مجھے بلاتے ہیں اسی دشت میں رم کرنے کے لئے

وہ جو اوّل عشق کی شدت تھی وہ تو مہر دونیم کی نذر ہوئی
اب پھر اک موسم آیا ہے مجھے مستحکم کرنے کے لئے

یہ سارے ادب آدابِ ہنر یوں ہی تو نہیں آ جاتے ہیں
عمریں تج دینی پڑتی ہیں اک حرف رقم کرنے کے لئے

موت آئی اور دل کی دہلیز پہ بوسہ دے کر لوٹ گئی
مرے مہمان آئے بیٹھے تھے تازہ دم کرنے کے لئے

مرے مالک مجھ کو غنی کر دے کہ شکست کے بعد مِرا دشمن
مری تیغ کا طالب ہے مجھ سے مرے ہاتھ قلم کرنے کے لئے

سیلِ جنوں ساحل کی جانب آتا ہے
خواب شبِ تاریک پہ غالب آتا ہے

ذرہ ہوں منسوب ہوا ہوں مہر کے ساتھ
روشن رہنا مجھ پر واجب آتا ہے

دل کی تباہی کے چھوٹے سے قصے میں
ذکر ہزار اطراف و جوانب آتا ہے

مٹی پانی آگ ہوا سب اس کے رفیق
جس کو اصولِ فرقِ مراتب آتا ہے

دل روئے اور گریے کی توفیق نہ ہو
ایسا وقت بھی عارفؔ صاحب آتا ہے

ملے تو کیسے ملے منزل خزینہء خواب
کہاں دمشق مقدر کہاں مدینہء خواب

سیاہ خانہ خوف و ہراس میں اک شخص
سنا رہا ہے مسلسل حدیث زینہء خواب

یقیں کا ورد و وظیفہ نہ اسم اعظم عشق
تو پھر یہ کیسے کھلے گا طلسم سینہء خواب

جہاں جہاں کی بھی مٹی ہمیں پسند آئی
وہاں وہاں پہ امانت کیا دفینہء خواب

خروشِ گریہء بے اختیار ایسا کیا
تڑخ کے ٹوٹ گیا رات آبگینہء خواب

شکستِ خوابِ گزشتہ پہ نوحہ خوانی ہوئی
پھر اس کے بعد سجی محفلِ شبینہء خواب

میسر آئی ہے توقیقِ شعر خوش ہوں لیں
نہ پھر یہ سیل رواں ہے نہ یہ سفینہء خواب

انیسؔ و آتشؔ و اقبالؔ سے مسلسل ہے
یہ سادہ کاری، یہ صناعی نگینہء خواب

پس گرد جادہء درد نور کا قافلہ بھی تو دیکھتے
جو دلوں سے ہو کے گزر رہا ہے وہ راستہ بھی تو دیکھتے

یہ دھواں جو ہے یہ کہاں کا ہے وہ جو آگ تھی وہ کہاں کی تھی
کبھی راویانِ خبر زدہ پسِ واقعہ بھی تو دیکھتے

یہ گلو گرفتہ و بستہء رسنِ جفا، مرے ہم قلم
کبھی جابروں کے دلوں میں خوفِ مکالمہ بھی تو دیکھتے

یہ جو پتھروں میں چھپی ہوئی ہے شبیہ، یہ بھی کمال ہے
وہ جو آئینے میں ہمک رہا ہے وہ معجزہ بھی تو دیکھتے

جو ہوا کے رخ پہ کھلے ہوئے ہیں وہ بادباں تو نظر میں ہیں
وہ جو موجِ خوں سے الجھ رہا ہے وہ حوصلہ بھی تو دیکھتے

یہ جو آبِ ذر سے رقم ہوئی ہے یہ داستان بھی مستند
وہ جو خونِ دل سے لکھا گیا ہے وہ حاشیہ بھی تو دیکھتے

میں تو خاک تھا کسی چشم ناز میں آگیا ہوں تو مہر ہوں
مرے مہرباں کبھی اک نظر مرا سلسلہ بھی تو دیکھتے

روش میں گردش سیارگاں سے اچھی ہے
زمیں کہیں کی بھی ہو آسماں سے اچھی ہے

جو حرف حق کی حمایت میں ہو وہ گمنامی
ہزار وضع کے نام و نشاں سے اچھی ہے

عجب نہیں کل اسی کی زبان کھنچی جائے
جو کہہ رہا ہے خموشی زباں سے اچھی ہے

بس ایک خوف کہیں دل یہ بات مان نہ جائے
یہ خاک غیر غمیں ہمیں آشیاں سے اچھی ہے

ہم ایسے گل زدگاں کو بہارِ یک ساعت
نگار خانہء عہد خزاں سے اچھی ہے